Zbulohen detaje te reja nga hetimet ne lidhje me atentatin ndaj prokurorit

Aktualitet

Të tjera detaje janë zbuluar nga hetimet në lidhje me atentatit ndaj prokurorit Arjan Ndoja dhe dy personave që ishin në mjetin e tij Andi Malokut dhe Landi Muharremit.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Bëhet e ditur se pështyma e lënë në maskat që kishin vendosur mund të jetë prova thelbësore që mund të çojnë në identifikimin e autorëve.

Burime nga grupi hetimor bëjnë me dije se maskat në të cilat u pikasën gjurmë pështyme u gjetën bashkë me 2 kallashnikovët të tipit AK-47 brenda automjetit që përdorën autorët.

Automjeti tip “Mercedez Benz Evo”, ngjyrë gri dhe me targa shqiptare false u gjet e braktisur dhe e padjegur në Shkafanë të Ishmit, vetëm pak orë pas atentatit. Kjo makinë rezulton të jetë vjedhur dy javë më parë në Tiranë.

Janë pikërisht provat e gjetura në makinën e dyshuar e përdorur nga autorët e atentatit ndaj prokurorit të Durrësit Arjan Ndoja, si armët e zjarrit, maskat apo faktorë të tjerë biologjikë, si pështyma  apo shenjat e gishtave të fiksuara në to, ato pritet të hedhin dritë për identifikimin e atentatorëve.

ME TE LEXUARAT