Bota

Shpenzoi 11 miliarde dollare ne 3 vite, ish-kryeministri perfundon ne prokurori

Shpenzimi i 11 miliardë dollarëve për 3 vite ka çuar në dyert e  prokurorisë ish-kryeministrin libanez, Fouoad Siniora.

Siniora ishte kryeministër nga 2005 deri në 2008. Ish-kryeministri libanez është pyetur nga një prokuror i shtetit, për detaje më të hollësishme se si u shpenzuan 11 miliard dollarë fonde shtetërore, gjatë kohës që ishte në pushtet.

Për këtë ngjarje zyra e Siniora ka dhënë një deklaratë  në të cilën ka theksuar se shpenzimet ishin tërësisht të  ligjshme.

Edhe pse është akuzuar gjerësisht për korrupsion shtetëror, është hera e parë që një kryeministër në Liban të thirret në Prokurori për diçka të tillë.

Kundërshtarët e Siniora, thonë se 11 miliardë dollarë nga fondet e qeverisë, ishin të llogaritura për të personalisht ndërsa ai ishte në pushtet.

Por në deklaratën e saj, zyra e Siniora tha se ai i kishte sqaruar prokurorin publik financiar, se ku ishin shpenzuar paratë dhe si ato u përdoren për plotësimin e nevojave të shtetit.

Vendi është përfshirë nga protesta të shumta, dhe për këtë fenomen ka pasur reagime të shumta nga protestuesit, “ne duam paratë, duam paratë e fëmijëve tanë dhe nuk do të ikim nga rrugët, “tha Majid, një protestues në Sidon. Dhjetra protestues u mblodhën jashtë shtëpisë së Siniora në Beirut dhe jashtë zyrës së tij në qytetin jugor të Sidonit, duke brohoritur dhe duke tundur flamuj libanezë, raportoi televizioni Reuters.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close