Lajmi i fundit

Xhafaj reagon per Kushtetuesen: Xhaferllari anetare e paligjshme, nuk ploteson kriteret

Ish-ministri I Brendshëm Fatmir Xhafaj ka reaguar në lidhje me debatin mes presidentit dhe mazhorancës për plotësimin e gjykatës kushtetuese.

Xhafaj thotë se emërimi I Marsida Xhaferllarit është I paligjshëm pasi nuk është dekreti I presidentit që të bën anëtar të gjykatës kushtetuese, por rregullshëria e emërimit dhe plotësimi I kritereve.
Fatmir Xhafaj:

‏Në web e GjK znj.Tusha ka botuar listën e anëtarëve të rinj! Pyetja është kë të besojmë, znj.Tusha n/kryetare të KED që ka shpallur znj.Vorpsi fituese apo znj.Tusha gjyqtare që nuk respekton as vendimin e organit që drejton. Në cilin kuorum të GjK u bazua kjo vendimmarrje?

FatmirXhafaj:
Në bindjen time znj.Xhaferllari nuk mund të jetë anëtare e GjK. Nuk plotëson kushtet dhe kriteret për të qenë e tillë. Votimi klientelist dhe lidhjet shoqërore brenda KED e përfshinë në listë ish Kryeinspektoren e KLD së vjetër që degradoi sistemin.

Fatmir Xhafaj:
Presidenti, sipas meje, në këtë rast nuk ka të drejtë. Ka nxjerrë një dekret të paligjshëm në tejkalim të afatit ligjor. Nuk të bën betimi gjyqtare, por kushtetueshmëria e zgjedhjes nga organi që e gëzon këtë të drejtë, me afatet e procedurën e duhur.

Fatmir Xhafaj:
‏Kushtetuta që Presidenti e ka votuar, por nuk e ka shkruar, është produkt i Ekspertizës më të mirë vendase. Opinioni i KV ka theksuar qartë domosdoshmërinë e afateve & mekanizmave zhbllokues. Partnerët?bashkëhartues të kushtetutës e ligjit të GjK duhet të reagojnë qartë.

Fatmir Xhafaj:
‏Zbatimi i Reformës ⚖ kërkon axhendë të qartë veprimi, angazhim e përgjegjshmëri dhe kryesorja objektivitet e paanshmëri. Situata e koklavitur, jo për faj të kushtetutës e ligjit, por gabimeve në zbatim. Pasojë e mendjeve të nxehta e qëllimkëqija.

Fatmir Xhafaj:
Kur arsyeja mungon, fryma dhe gërma e kushtetutës lexohen keq, duhet reagim. Kryesorja me mekanizma politikë, por edhe me veprime të mirëmenduara ligjore, institucionale dhe gjyqsore. Nëse duhet ka edhe precedentë e ekspertizë ndërkombëtare.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave a Reply

Your email address will not be published. Required fields are marked *

Back to top button
Close