Lajmi Fundit
Lajmi i Fundit, Lajme Shqip, Gazeta, Informacione nga Shqiperia

Tifozët e Vardarit rrahin 3 shtetas të Kosovës në Shkup

Pas ndeshjes midis Vardarit dhe Shkëndijës, tifozët ‘Komitët’ kanë rrahur tre shtetas të Kosovës në afërsi të Parkut të Qytetit të Shkupit.

Të lënduar janë personat me inicialet E.K. 24-vjeç, L.K. 19-vjeç dhe M.B. 18, të gjithë nga Kosova.

Numri i shtuar i forcave policore për shkak të ndeshjes së rrezikut të lartë, nuk ka arritur të parandalojë incidentin e sotmen.

Policia ka ndaluar dy persona që dyshohet të kenë sulmuar shtetasit e Kosovës.

Ekipi i televizionit Alsat ishte në stacionin policor në Kisella Vodë ku edhe po merren në pyetje ‘Komitët’.

Jashtë stacionit disa të rinj, dy prej të cilëve më herët ishin ndaluar, por më pas ishin lënë të lirë nga policia mohonin që personat që po merreshin në pyetje të jenë sulmuesit e shtetasve të Kosovës.

‘Komitët’, me të mbaruar ndeshja midis Varadarit dhe Shkëndisë, kanë vërshuar rrugëve të Shkupit të pajisur me thika e shkopinj bejsbolli.

Edhe më herët gjatë ditës tifozët ‘Komitët’ dhe ‘Vojvodët’ nëpër rrugët e Shkupit ndezën mjete të ndryshme piroteknike dhe drejtuar fyerje të shumta kundër shqiptarëve./AlsatM

Leave A Reply

Your email address will not be published.