Rreziku nga sulmet ruse, NATO vendos trupa në Mal të Zi

Kosovë&Rajon

NATO po asiston Malin e Zi për shmangien e sulmeve të kombinuara nga jashtë. Aleanca ka thënë se po përballet me përpjekje për sulme hibride ruse. Kryetari i Komitetit Ushtarak të NATO-s, Marshal Stuart Pitch tha se Aleanca po përballet drejtpërdrejt me përpjekjet nga sulmet hibride ruse.

Sipas tij, kjo është arsyeja pse ata vendosën të dërgojnë një ekip për të luftuar kërcënimet hibride në Mal të Zi. Pitch tha në një seancë të Komitetit Ushtarak të NATO-s që u zhvillua të enjten në Bruksel se Aleanca, për të kundërshtuar veprime të tilla ruse, punësoi ekipin e parë kundër hibrid të NATO-s në Mal të Zi, shkruan Pobjeda.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Ekipi i parë i ndihmës anti-hibride të NATO-s është vendosur në aleatin tonë Mali i Zi, me qëllim të ndihmës në forcimin e aftësive të vendit dhe të shmangë sfidat hibride,” u shpreh Pitch.

Ai tha se shpenzimet e mbrojtjes vazhdojnë të rriten. “Shifrat e NATO-s tregojnë një rritje prej 4.6 përqind në vitin 2019. Ky është viti i pestë radhazi i një rritje të tillë. Deri në fund të këtij viti, aleatët do të investojnë më shumë se 130 miliardë dollarë,” tha Peach, duke shtuar se ata presin deri në vitin 2024 atë vit të jetë 400 miliardë dollarë.

“Qëllimi i vizitës ishte forcimi i aftësisë për të shmangur dhe për t’iu përgjigjur në mënyrë adekuate sfidave hibride. Kjo vizitë ishte angazhimi i parë i një ekipi të tillë në një prej aleatëve, dhe si i tillë paraqet një përvojë të konsiderueshme si për Malin e Zi dhe vetë Aleancën.

Mali i Zi dëshiron të forcojë kapacitetet e tij në fushat e rezistencës, menaxhimit të krizave, infrastrukturës kritike, komunikimit strategjik dhe analizave.Përveç vendosjes së bashkëpunimit me Komisionin Ndërqeveritar, fokusi i ekipit të NATO-s ishte në forcimin e kornizës legjislative në këtë fushë, dhe zbatimi i tij,” theksoi Ivica Ivanoviç, Drejtori i Përgjithshëm i Politikës së Mbrojtjes./abcnews

ME TE LEXUARAT