“Çoke Qorri” në arrati dhe lidhje me vrasje të rënda në Vlorë

Ervis Matodashaj, i njohur si “Çoke qorri”, është shpallur në kërkim nga SPAK për përfshirje në aktivitete kriminale të strukturuara dhe dy vrasje të ndodhura në Vlorë gjatë vitit 2021.

Ai është i lidhur ngushtë me Inez Hajrullën, gjithashtu në kërkim, dhe dyshohet se ka qenë pjesë e një grupi të organizuar kriminal.

Hetimet zbulojnë se që nga viti 2017, ndaj Hajrullës janë planifikuar disa atentate, ndërsa sulmet më të fundit lidhen me konflikte për hakmarrje dhe trafikun e drogës.

Ngjarjet përfshijnë vrasjen e Gentian Qarrit më 6 shkurt dhe të Bledar Birçajt më 10 maj, të dy brenda qytetit të Vlorës.

Më 7 mars, Matodashaj dhe Hajrulla shpëtuan arrestimit gjatë një operacioni të SPAK, ndërkohë që policia ka kapur disa nga atentatorët e mundshëm të tyre në vite, duke përfshirë armë dhe pajisje të tjera të rrezikshme.