“Shqipëria nuk është e tradhtarëve”/ Qytetarët sërish në protestë kundër resortit në Zvërnec! Nis marshimi (FOTO)

Përfaqësues të shoqërisë civile, aktivistë dhe qytetarë janë mbledhur edhe këtë të shtunë në sheshin “Skënderbej”, nga ku do të marshojnë drejt Bulevardit “Dëshmorët e Kombit” në ditën e 7-të të protestës për çështjen e zonave të mbrojtura.

Me flamuj dhe pankarta në duar, protestuesit, pas marshimit në bulevard, pritet të ndalen para godinës së Kryeministrisë.

Prej ditësh, qytetarë dhe aktivistë kanë protestuar në kryeqytet ndërsa kanë artikuluar pesë kërkesa kryesore: dorëheqjen e kryeministrit; shfuqizimin e statusit dhe kuadrit ligjor për investitorët strategjikë; shfuqizimin e Paketës së Maleve; anulimin e ndryshimeve në ligjin për Zonat e Mbrojtura; si dhe anulimin e ndryshimeve në ligjin për Trashëgiminë Kulturore.