“Kërcënimet e reja të Trump ndaj NATO-s: Nuk kemi nevojë për ju, por mos harroni kurrë këtë moment

Në një postim, Donald Trump nisi sulme të mëtejshme ndaj vendeve të NATO-s, duke pretenduar se ato “nuk kanë bërë absolutisht asgjë për të ndihmuar” kundër këtij “kombi të shkatërruar ushtarakisht, Iranit”.

“Shtetet e Bashkuara nuk kanë nevojë për asgjë nga NATO, por nuk duhet ta harrojmë kurrë këtë moment vendimtar”, shtoi ai.

Kjo nuk është hera e parë që presidenti amerikan ka drejtuar gishtin nga vendet anëtare të NATO-s.

Në komentet e tij, ai i quajti aleatët “frikacakë” dhe vuri në dukje se do të ishte “shumë e lehtë” për anëtarët e organizatës të ndihmonin në rihapjen e Ngushticës së Hormuzit, por ata nuk duan të përfshihen në një “manovër të thjeshtë ushtarake”.

“Pa Shtetet e Bashkuara, NATO është një tigër letre”, shkroi Trump në Truth Social. “Ata refuzuan të bashkoheshin në luftën për të ndaluar një Iran të armatosur me armë bërthamore”, shtoi ai./Lajmi i Fundit