Pak pas vde'kjes, policia kontrolle në banesës e Giorgos Mazonakis, gjen paisjen e dyshimtë

Teksa kanë kaluar rreth 10 ditë nga vdekja e këngëtarit grek Giorgos Mazonakis, policia po vijon hetimet për të zbardhur rrethanat e plota të ngjarjes.

Sipas “Protothema”, autoritetet kanë kryer kontrolle në banesën e Mazonakis, madje kanë sekuestruar edhe një kasafortë që ndodhej aty. Kasaforta nuk është hapur ende dhe pritet vendimi i prokurorit për  të përcaktuar nëse do të hapet apo do i kthehet familjes.

Sendet personale të viktimave, siç është në këtë rast kasaforta, dorëzohen nga policia te Autoriteti kompetent dhe më pas vendoset për menaxhimin e mëtejshëm të tyre.

Në të njëjtën kohë, raporti mjeko-ligjor nuk është përfunduar ende, pasi rezultatet e ekzaminimeve që konsiderohen të nevojshme për përfundimin e tij janë në pritje.

"Ende nuk kemi një raport mjeko-ligjor. Do të duhet të presim rezultatet e analizave toksikologjike dhe histologjike për ta përfunduar atë", theksoi policia.

Në mbyllje, zëdhënësja e shtypit e Policisë Helenike iu referua edhe deshifrimit të funksionimit të një makine që po shqyrtohet në kontekstin e hetimit, duke theksuar rëndësinë e saj për vazhdimin e çështjes.

"Fakti që arritëm të deshifrojmë funksionimin e makinës do të ndihmojë shumë."
Këngëtari i njohur Giorgos Mazonakis ndërroi jetë më 9 shtator, teksa po kryente procedurën e ndërrimit të plazmës në një klinikë private në Athinë. Për rastin, janë arrestuar dy mjekët e klinikës, të cilët akuzohen për shpërdorim detyre dhe ekspozim drejt vdekjes. 

Po ashtu, sipas hetimeve të mëtejshme, raportohet se ata kanë refuzuar të japin informacione mbi gjendjen e Mazonakis, për mjekët e urgjencës që u lajmëruan pasi këngëtari pësoi arrest kardiak.