EMRI/ Aksident me vdekje në Lezhë! U zu poshtë nga mjeti bujqësor, humb jetën shoferi

Një aksident me pasojë vdekjen e një personi është regjistruar në fshatin Torovicë, në Lezhë.

Sipas të dhënave paraprake, viktima i identifikuar si Dod Samari, ishte duke lëvizur me një mjet bujqësor, kur dyshohet se ka humbur kontrollin dhe është zënë poshtë prej tij.

Për shkak të plagëve të marra, ai ka ndërruar jetë në vendngjarje.

Lezhë/ Informacion paraprak

Rreth orës 18:00, në fshatin Trovicë, shtetasi D. M., 63 vjeç, duke drejtuar një mjet bujqësor në një terren të pjerrët pranë banesës së tij, dyshohet se aksidentalisht ka humbur kontrollin mbi mjetin, i cili është përmbysur dhe e ka zënë poshtë.

Si pasojë e dëmtimeve të marra, 63-vjeçari ka humbur jetën në vendngjarje.

Nga veprimet e para hetimore dyshohet se ngjarja është aksidentale.

Grupi hetimor vijon punën për sqarimin e plotë të rrethanave të rastit.