Foto/ “Shqipëria me miq dhe familje”, Richard Grenell zgjedh Vlorën për të kaluar pushimet verore

I dërguari i Posaçëm i Donald Trump për Misione Speciale, Richard Grenell, ka zgjedhur bregdetin shqiptar për të kaluar disa ditë pushimesh. Grenell ka ndarë në rrjetin social Instagram disa fotografi nga qëndrimi i tij në Vlorë, ku shfaqet duke shijuar bukuritë e qytetit bregdetar në shoqërinë e miqve dhe familjarëve. Krahas fotove, ai ka shkruar shkurt: “Shqipëria me miq dhe familje”, duke shprehur kënaqësinë për vizitën e tij në vendin tonë.

Richard Grenell ka qenë një nga figurat më të njohura të administratës amerikane gjatë viteve të fundit. Ai ka shërbyer si ambasador i SHBA-së në Gjermani dhe si i dërguar i posaçëm për dialogun mes Kosovës dhe Serbisë.