Përplasen "kokë më kokë" dy autobusa në Greqi, 31 të plagosur, mes tyre 12 të mitur

Një aksident rrugor është regjistruar këtë të premte në Athinë. Mediat greke bëjnë me dije se dy autobusë urban janë përplasur, duke lënë të plagosur 31 pasagjerë.

Mësohet se mes të plagosurve, 12 janë të mitur. Për fat të mirë të plagosurit janë jashtë rrezikut për jetën.

Nuk dihen ende rrethanat e përplasjes. Policia po punon për zbardhjen e plotë të aksidentit.