Sezoni veror në kulm/ Kosova "dyndet" drejt Shqipërisë, mbi 25 mijë qytetarë kalojnë Morinën për vetëm 5 orë

Ditët e fundit të gushtit kanë nisur me një fluks të madh qytetarësh dhe automjetesh nga Kosova në drejtim të bregdetit shqiptar.

Në Stacionin e Policisë Kufitare Morinë/Kukës, gjatë ditës së shtunë, nga ora 05:00 deri në 10:00, kanë hyrë në Republikën e Shqipërisë 24,408 shtetas të Kosovës, me 8,592 mjete të vogla dhe autobusë.

Shifrat tregojnë një lëvizje të konsiderueshme të pushuesve kosovarë, të cilët po i drejtohen plazheve të Shqipërisë për ditët e fundit të sezonit veror.

Fluksi i mjeteve në kufirin Kosovë–Shqipëri ka nisur që në orët e para të mëngjesit, ndërsa pritet te vijoje edhe gjatë pjesës tjetër të fundjavës, shkruan botasot.info.

Me afrimin e fundit të muajit gusht, bregdeti shqiptar vijon të mbetet një nga destinacionet kryesore për pushuesit nga Kosova.