“S’kam konflikte me njeri” Shpërthimi në makinën e 39-vjeçarit, autorët mbërritën me dy automjete! Njëri prej tyre…

Është zbardhur dinamika e shpërthimit me lëndë plasëse në orët e para të mëngjesit të sotëm në Selitën e Vogël.

Raportohet se autorët kanë qenë dy persona, të cilët lëviznin me dy automjete.

Njëri prej tyre është afruar tek porta e shtëpisë së 39-vjeçarit Dritan Jano dhe ka hedhur lëndën plasëse në oborrin e banesës.

Më pas janë larguar rrugicave të zonës së Selitës së Vogël. Dritan Jano është shprehur se nuk ka konflikte me njeri, por ka pasur problematika të vogla për shkak të punës.

Ai ka mohuar që të ketë dijeni për arsyen se pse autorët i hodhën lëndën plasëse në makinë, të cilën e kishte parkuar në oborrin e banesës.

Sipas burimeve, prej gati 10 vitesh ai ishte i punësuar në Institutin e Metrologjisë dhe nuk rezulton person i skeduar më herët nga policia.

Ndërkohë bashkëshortja e tij, Dorina Jano, rezulton se është një nga Administratorët e Agjencisë së Pasurive të Sekuestruara dhe Konfiskuara, në Ministrinë e Brendshme.

Hetuesit po verifikojnë dhe punën e bashkëshortes se 39-vjecarit si një pistë të mundshme.