Ministri izraelit i Mbrojtjes kërcënon udhëheqësin e Hezbollahut: Ai do të paguajë me kokën e tij

Ministri i Mbrojtjes, Izrael Katz, paralajmëroi të martën se udhëheqja e Hezbollahut do të përballet me pasoja të rënda, dhe përsëriti qëllimin e Izraelit për shpërbërjen e grupit pavarësisht një armëpushimi momental.

Duke folur në ceremoninë shtetërore në Ditën e Përkujtimit për ushtarët e rënë dhe viktimat e terrorit, Katz tha se Izraeli do të vazhdojë operacionet ushtarake në Liban nëse është e nevojshme për të siguruar sigurinë përgjatë kufirit të tij verior.

“Edhe pse jemi mbledhur këtu për të nderuar të rënët tanë, pas javësh operacionesh të vendosura nga forcat e IDF-së në Libanin jugor, angazhimi ynë ndaj banorëve të veriut mbetet i qartë dhe i padiskutueshëm, për t’u sjellë atyre siguri”, tha Katz.

Katz paralajmëroi se Izraeli do të vazhdojë të përballet me çdo kërcënim që buron nga zonat në veri të lumit Litani në Liban, duke zgjeruar fushën e operacioneve të mundshme.

Duke e drejtuar gishtin personalisht ndaj Naim Qassem, Sekretari i Hezbollahut, Ministri i Mbrojtjes deklaroi se “Nasrallah shkatërroi komunitetin shiit në Liban dhe Naim Qassem do ta përfundojë atë dhe do të paguajë me humbjen e shtëpive dhe territorit, ashtu siç ndodhi me Hamasin në Rafah dhe Beit Hanoun në Gaza derisa të paguajë me kokën e tij”.