Netanyahu: Izraeli do të fillojë bisedime të drejtpërdrejta me Libanin, të përqendruara në çarmatosjen e Hezbollahut

Kryeministri izraelit Benjamin Netanyahu e ka udhëzuar kabinetin e tij që të fillojë “negociata të drejtpërdrejta” me Libanin “sa më shpejt të jetë e mundur”.

Sipas mediave të huaja, Netanyahu ka thënë se bisedimet do të përqendrohen në çarmatosjen e Hezbollahut dhe vendosjen e marrëdhënieve paqësore midis dy vendeve.

“Në dritën e kërkesave të përsëritura të Libanit për të hapur negociata të drejtpërdrejta me Izraelin, dje i dhashë udhëzime kabinetit që të fillojë negociatat e drejtpërdrejta me Libanin sa më shpejt të jetë e mundur”, tha Netanyahu në një deklaratë.

Netanyahu tha se negociatat do të përqendroheshin në “çarmatimin e Hezbollahut dhe vendosjen e marrëdhënieve paqësore midis Izraelit dhe Libanit”.

“Izraeli mirëpret thirrjen e sotme nga Kryeministri i Libanit për të demilitarizuar Bejrutin”, shtoi Netanyahu.

Zyra e Presidentit Libanez, Joseph Aoun, i tha CNN-së se nuk kishte “asnjë koment” kur u pyet për vërejtjet e Netanyahut.