Trump njofton tarifa prej 50% për vendet që furnizojnë me armë Iranin

Shtetet e Bashkuara dhe Irani mund të kenë rënë dakord për një armëpushim dyjavor dhe hapjen e Ngushticës së Hormuzit, por asgjë nuk është vendosur, pasi rreziku i dështimit të negociatave të paqes dhe një kthim te armët është gjithmonë i pranishëm.

Pyetja është në çfarë forme, duke pasur parasysh se Teherani ende mban kontrollin “në letër” të Ngushticës së Hormuzit dhe ka aftësinë ta mbyllë atë në çdo kohë, duke ushtruar presion të madh mbi Shtetet e Bashkuara dhe ekonominë globale.

E vetmja siguri është që të dyja palët ta shpallin Iranin fitues, sepse arriti t’i rezistojë kërcënimeve të Trump, dhe Shtetet e Bashkuara fituese, sepse arriti të hapë Ngushticën e Hormuzit.

Një tipar karakteristik ishte deklarata e Donald Trump se Shtetet e Bashkuara kishin arritur një “fitore të plotë dhe totale” ndaj Iranit, ndërsa Teherani pretendon se forcat iraniane “e çuan armikun drejt dobësisë historike dhe një disfate të qëndrueshme”.

Qëndrimi i Izraelit mbetet i diskutueshëm, pasi Netanyahu këmbëngul se armëpushimi nuk ka të bëjë me Libanin, dhe çështja rrezikon të bëhet një gjemb në këmbë të bisedimeve të ardhshme SHBA-Iran në Pakistan.

Reagimi fillestar i tregut ishte pozitiv, me çmimet e naftës që ranë nën 100 dollarë.