Ndalohet nga autoritetet imami i njohur në Kosovë, shoqërohet në polici për t'u marrë në pyetje

Imami i njohur Elvedin Pezic është ndaluar pasditen e sotme nga Policia e Kosovës në fshatin Vitomiricë të Pejës, pasi sipas raportimeve të gazetares së Klan Kosovës Altiana Zogaj, ai rezultonte me ndalim hyrjeje në territorin e Kosovës.

Pezic u zbulua nga autoritetet ndërsa kishte shkuar për të mbajtur një ligjëratë dhe aktivitet fetar në Qendrën Rinore të Vitomiricës, i cili ishte planifikuar të zhvillohej nga ora 17:15 deri në orën 19:00.

Për shkak të ndalimit, imami u shoqërua në stacionin e policisë për t'u intervistuar, ndërkohë që ende nuk janë bërë të ditura arsyet zyrtare të këtij vendimi dhe policia nuk ka dhënë ende një përgjigje zyrtare lidhur me rastin.