Telefonat celularë “folën” për vdekjen e Myrtos, çfarë zbuluan autoritetet në telefonin e njëzet e tre vjeçarit?

Telefonat celularë të tre personave të arrestuar në lidhje me vdekjen e Myrtos në Kefalonia janë ekzaminuar nga autoritetet, të cilat po hetojnë mundësinë që dikush të ketë tentuar të shfrytëzojë 19-vjeçaren.

23-vjeçari i arrestuar, tashmë në paraburgim, akuzohet se ka mbajtur një profil në një faqe interneti për shërbime shoqërimi me një foto, numër telefoni dhe një pseudonim.

I pandehuri, të cilin Myrto e njihte prej rreth një muaji e gjysmë, thuhet se i tha policisë se natën kur e lanë 19-vjeçaren pa ndjenja në sheshin e Argostolit, në dhomë po bëheshin video-thirrje me pagesë.

Sipas Star TV, kampioni 26-vjeçar i peshëngritjes u gjet gjithashtu në dhomë.

Personi “kyç” nga Preveza dhe video-telefonatat

23-vjeçari pretendoi se Myrto i kishte kërkuar drogë, e kishte paguar dhe se ajo ishte ajo që bëri video-thirrjen me 66-vjeçarin nga Preveza. Avokati i familjes së viktimës nuk e ka përjashtuar mundësinë që dikush tjetër të ketë përdorur celularin e 19-vjeçares atë natë.

Ndërkohë, babai i Myrtos pretendon se vajza e tij mund të ketë qenë viktimë e një bande kriminale.

“Zbulova se e kishin përgatitur për ta droguar, në mënyrë që ta çonin vajzën time në Athinë, ku ka klube striptizmi. Kjo është arsyeja pse në video i thonë se kemi një shtëpi në Athinë ku mund të shkojë”, tha babai i vajzës për Mega.