Batuta famëkeqe/ Albano Bogdo i kërkon falje Beatrix Ramosajt

I ftuar në “UëTëFë Show”, Albano Bogdo ka folur edhe një herë për batutën famëkeqe që bëri tre vite më parë ndaj Beatrix Ramosaj në emisionin e tij në Vizion Plus, “Albano Show”. I vendosur përballë pyetjes nëse do t’i kërkonte ai falje Beatrix-it apo priste një falje prej saj, Albano e filloi duke thënë se ndihet mirë që mamaja e saj fitoi një betejë me kancerin dhe shpjegoi se njerëzit e keqkuptuan shakanë e tij:

“Beatrix-i është një vajzë shumë e mirë, e shkëlqyer. Ka qenë disa herë në emisionet që kam punuar unë, ka qenë 2-3 herë tek ‘Apartamenti’, ka qenë një herë te ‘Klanifornia’ më duket. U gëzova shumë që pashë në Instagram, kishte pasur të ëmën sëmurë, m’u bë zemra mal kur kishte lëvizur atë zilen. Ajo shakaja nuk ishte fare për Beatrix-in, e kanë humbur thelbin njerëzit, ishte një shaka për këngëtarët e rinj që kanë 2-3 vjet në karrierë thonë ‘po iki unë nga muzika tani’. Ishte një shaka për vëllanë e saj.”

Albano tha se nuk kishte për qëllim të ulte Beatrix-in, që madje e ka mbrojtur për lidhjen e saj me Donald Veshajn brenda “Big Brother VIP Albania 1” kur shumë e sulmuan:

“Në qoftë se është dukur sikur kam bërë punch down (sulmuar/tallur), nuk ka qenë ai qëllimi im, t’i bëj punch down dikujt, sidomos një femre. Sidomos njv femre që nja 2 vjet para se t’i bëja unë këtë punch down gjasme, të gjithë po i bënin punch down, unë po i bëja punch up. Ka pasur një [emision] Olsi Bylyku, kam dalë në një intervistë dhe më pyeti për të njëjtën gjë, atëherë qe në Big Brother Beatrix-i dhe i thashë ‘lëri këto budallallëqe, nëse janë bashkë, janë bashkë’ [me Donaldin].”

“Unë e kam shumë xhan Beatrix-in po do të dish të vërtetën dhe më është dukur gjithmonë një vajzë shumë premtuese dhe shumë kinge simpatike, shumë e sjellshme. Po i kërkoj unë falje në kuptimin njerëzor, jo në kuptimin…unë s’kam bërë gabim artistik.”

Por çfarë tha Albano Bogdo që zemëroi rrjetin?

Teksa po ironizonte largimin nga muzika të Alban Ramosajt dhe Feros, Bogdo e prezantoi Albanin si ai tipi që i *** motrën Donaldi në Big Brother.

Nëpër komentet në rrjetet sociale, shumë e kanë kritikuar aktorin për batutën e tepruar që ai ka bërë në një emision televiziv, megjithëse ai në hapje të puntatës së parë tha se ky është emisioni i tij dhe thotë çfarë të dojë.