FOTO/ Pasi konfirmoi romancën e re të dashurisë, Bes Kallaku poston foton e parë pranë partneres!

Aktori dhe këngëtari i njohur Bes Kallaku teksa konfirmoi zërat që qarkullonin për një romancë të re, ka publikuar së fundmi edhe një imazh pranë të dashurës së tij, Ejonës.

Megjithatë, edhe këtë herë, Besi ka zgjedhur të ruajë mister identitetin e saj. Në foton e postuar në Instagram, e realizuar bardhë e zi, në të cilën Besi shihet teksa përqafon partneren, fytyra e saj nuk dallohet, por ajo që mund të dallohet lehtësisht është ngjyra e flokëve të saj, që duket se është bjonde.

Vetëm pak ditë më parë, ai ngjalli kureshtje te fansat pas shfaqjes së një tatuazhi të ri në dorën e tij, ku shkruhej: “Ejona 25.12.2025 Trëndafil në kohë lufte”.

Misteri u zbulua nga vetë artisti, i cili gjatë një koncerti vendosi të bëjë publike ndjenjat e tij dhe personin që sipas tij i ka rikthyer buzëqeshjen.
“Jini falënderues Zotit në ditët tuaja më të mira dhe në ditët tuaja më të errëta. Unë gjithë jetën time kam bërë për të qeshur publikun, por kishte vite që më kishte humbur buzëqeshja mua. Meqë më keni pyetur aq shumë për tatuazhin që kam bërë, dua të falënderoj Zotin që më në fund më solli afër dikë që më solli edhe buzëqeshjen. Ejona, të dua!”, u shpreh aktori.

Kujtojmë që Bes Kallaku prej disa vitesh pati një raport dashurie me këngëtaren Xhensila Myrtezaj i cili vetëm disa muaj më parë përfundoi në divorc.

Vetë aktori në një intervistë deklaroi se për të e shkuara është një histori e përfunduar dhe se fokusi i tij është plotësisht tek e tashmja.

“E shkuara ime është e vdekur. Unë po jetoj të sotmen”, – u shpreh Kallaku. Që nga ndarja me Xhensilën, Besi dha intervistën e tij të parë për Grida Dumën. Por veç atyre që aktori tha i prekur, fansat në rrjet dukeshin të shqetësuar për gjendjen e tij. Të shumta kanë qenë komentet në rrjetë që janë shprehur se Besi gjendet në një moment të vështirë si emocional, ashtu edhe fizik.

“Shiko si i dridhen duart”, “Ti more djalë ke nevojë për ndihmë”, ishin vetëm disa nga komentet më të shpeshta që gjendeshin, poshtë videove të këngëtarit. Besi foli edhe për zhgënjimet që ka përjetuar nga njerëz që dikur i kishte pranë. Ai thekson se forca dhe pasuria e tij më e madhe janë dy fëmijët dhe prindërit.

“Zoti është me mua, kush mund të jetë kundër meje?! Përveçse iu kam dhënë dorën, iu kam dhënë edhe bukën. Sado të zgjasë nata, do lindë dielli, do të vijë dita. Sa armiq që kemi dhe sa ‘miq’ armiq që kemi përreth. Pasuria ime më e madhe janë dy fëmijët e mi, nëna dhe babai im. E marrim jetën për të mirëqenë. Sikur s’do na ndodhë kurrë e keqja. Ndërroi jetë edhe Shpati i shkretë. A kishte plane për sot?”, – tha ai në podkastin e Grida Dumës.

Divorci i çiftit Bes Kallaku dhe Xhensila Myrtezaj ka qenë një ndër lajmet që kanë bërë bujë të madhe në mediat rozë. Aktori i njohur Jul Deda ka reaguar së fundmi në rrjete sociale, duke ndarë një mesazh të ndjerë për kolegun e tij, aktorin Bes Kallaku, pas deklaratave emocionale që ky i fundit ka bërë për jetën, familjen. Në një postim të shkurtër të ndarë në ‘story’ në “Instagram”, Deda thekson se fjalët e tij janë për ata që nuk e njohin vërtet Besin, pasi, sipas tij, ata që e kanë njohur nga afër, nuk kanë nevojë për shpjegime.

“Përtej punës, karrierës dhe publikut, Bes Kallaku është një nga djemtë me zemër më të bardhë që kam njohur në jetë. Nëse ka mundësi të bëjë për ty diçka të vogël, ai bën maksimumin”, – shkruan Jul Deda krahas videos se podcastit të Grida Dumës, ku i ftuar ishte Besi.

Ky reagim vjen në një moment kur aktori Bes Kallaku po komentohet gjerësisht për anën e tij më të ndjeshme dhe reflektuese, duke treguar se pas humorit që e ka shoqëruar për vite me radhë, fshihet një njeri që aktualisht po kalon një moment të vështirë në jetën e tij.