Nora Istrefi dhe Robert Berisha çojnë raportin e tyre në një nivel tjetër

Pas paraqitjes së tyre të përbashkët në emisionin “Robi plaket kur don vet”, Nora Istrefi dhe Robert Berisha duket se i kanë dhënë një drejtim të ri marrëdhënies së tyre publike: jo si çift, por si kolegë në skenë.

Të dy surprizuan ndjekësit me një atmosferë të lehtë dhe pozitive në studio, ku nuk munguan batutat sportive, energjia e mirë dhe performanca live me “Robi Band”.

Gjatë emisionit, Nora dhe Roberti ndanë skenën duke interpretuar bashkë, një moment që duket se shërbeu si “pikënisje” për rikthimin e tyre si partnerë artistikë edhe jashtë ekranit.

Dhe tani, duket se gjërat janë zyrtarizuar: dyshja do të performojë sërish bashkë gjatë ditëve festive.

Në rrjetet sociale po qarkullon posteri zyrtar që njofton performancën e tyre të përbashkët më 2 janar, duke e bërë të qartë se ky nuk ishte thjesht një moment “nostalgjie” televizive, por një bashkëpunim real për publikun.

Kjo shënon një etapë të re për Norën dhe Robertin: përtej historisë personale që i ka lidhur dikur, sot ata duket se po zgjedhin të bashkojnë forcat për muzikën, për festën dhe për atë që publiku kërkon më shumë në fillim viti: energji, atmosferë dhe hite në skenë.