VIDEO/ Katy Perry mbetet e “bllokuar” në një shishe gjigante gjatë koncertit, fansat e shtyjnë në drejtimin e gabuar

Një moment i pazakontë ka ndodhur gjatë performancës së Katy Perry në festivalin muzikor “Isle of MTV” në Maltë, ku këngëtarja mbeti përkohësisht e bllokuar brenda një shisheje gjigante plastike si pjesë e spektaklit skenik.

Sipas programit të koncertit më 22 korrik, Perry duhej të futej në shishen e fryrë dhe fansat ta shtynin atë drejt skenës. Por situata nuk shkoi sipas planit, pasi publiku e shtyu strukturën në drejtimin e kundërt, duke e larguar nga vendi ku duhej të përfundonte.

Në videot e publikuara në rrjetet sociale, këngëtarja shihet duke qeshur dhe duke bërë shenja drejt skenës, në përpjekje për t’u treguar fansave drejtimin e duhur. Pavarësisht situatës, Perry vazhdoi performancën e saj duke kënduar hitet “Hot N Cold” dhe “I Kissed a Girl”.

Pas disa momenteve, fansat arritën ta rikthenin shishen gjigante drejt skenës dhe koncerti vijoi pa probleme të tjera.

Momentet nga incidenti u shpërndanë gjerësisht në rrjetet sociale, duke tërhequr vëmendjen e fansave të këngëtares.