Aksident në Vlorë, makina përplas 21-vjeçaren

Një aksident rrugor është regjistruar mbrëmjen e kësaj të mërkure në qytetin e Vlorës, ku një automjet ka përplasur një vajzë që lëvizte me biçikletë.

Ngjarja ka ndodhur rreth orës 20:45 në rrugën “Sazani”, në zonën e Plazhit të Vjetër.

Sipas informacioneve paraprake, mjeti tip “Opel” që drejtohej nga shtetasi K.D., 45 vjeç, është përplasur me biçikletën që drejtohej nga shtetasja M.C., 21 vjeçe.

Si pasojë e përplasjes, e reja ka marrë dëmtime dhe është transportuar menjëherë në ambientet e Spitalit Rajonal të Vlorës për të marrë ndihmën mjekësore.

Policia ka mbërritur në vendngjarje dhe po kryen veprimet hetimore, ndërsa drejtuesi i automjetit po merret në pyetje për sqarimin e plotë të rrethanave të aksidentit.