“Plumbi i Artë”, dëshmitari: Ja si e mora vesh që Fatmira Deda ishte e vdekur në garazh

Në GJKKO, po zhvillohet seanca e radhës për dosjen “Plumbi i Artë”, ku vazhdon marrja në pyetje e dëshmitarëve të kërkuar nga mbrojtja.

Dëshmitari Mirza Veli u thirr nga mbrojtësit e të pandehurit Agron Qoli, për të dhënë dëshmi në lidhje me çështjen penale që përfshin të pandehurit, Dumani, Alibej, Xhixha, Hoxha, Qoli e të tjerë.

Dëshmitari deklaroi se nuk ka njohje personale me asnjërin prej tyre.

 Veli, i lindur dhe banues në Durrës, me arsim të lartë dhe oficer i policisë gjyqësore në qytet, u pyet nga avokatët:

Avokati:: A njihni ndonjë nga të pandehurit?
Dëshmitari: Agron Qolin e kam komshi, kemi shkuar njëherazi në pallat.

Avokati: Fatmira Dedane njihni?
Dëshmitari: Si komshije, por nuk kam pasur marrëdhënie personale. Ka pasur dy banesa, një në kat të pestë dhe një në kat të dytë.

Avokati: Raporti i Qolit me Fatmirën?
Dëshmitari: Qoli ka qenë administrator pallati, merrej me problemet. Nuk e di nëse kanë pasur marrëdhënie personale.

Avokati: Nga hyje dhe dalje nga pallati?
Dëshmitari: Pallati ka vetëm një hyrje për garazh, e njëjta për dalje.

Avokati: Kjo ishte e njëjtë edhe në kohën e vrasjes së Fatmira Dedës?
Dëshmitari: Po, nuk kishte pengesa rrugore.

Avokati: Ku bie hyrja e Agron Qolit?
Dëshmitari: Nuk e di, nuk kam qenë te banesa.

Avokati: Ditën e ngjarjes ku keni qenë?
Dëshmitari: Në kafe. Më mori vëllai, kam parë trupin e të ndjerës në garazh dhe kam telefonuar policinë.

Ai shtoi se Agron Qoli komunikoi me vëllain e tij, duke e informuar për ngjarjen, por vetë nuk pati kontakt me të.

Avokati: Fatmira ka pasur persona të tjerë që jetonin me të?
Dëshmitari: Jo, vetëm një zonjë pastruese që e ndihmonte. Nuk kam qenë në ceremoninë e varrimit.

Pyetje nga gjyqtari dhe të pandehurit

Gjatë seancës, Agron Qoli dhe Petrit Qoli pyetën dëshmitarin për pozicionin e tij dhe hyrjen/daljen nga garazhi, duke u përpjekur të sqaronin marrëdhëniet dhe lëvizjet e ditës së ngjarjes.

Dëshmitari saktësoi se, në kohën e ngjarjes (2012-2013), ai ka qenë në punë në Prokurorinë e Durrësit, ndërsa kafja që kishte pirë ishte 50-100 metra larg pallatit. Vëllai i tij kishte shkuar për të marrë makinën, ndërsa ai më pas njoftoi policinë.

Prokurori Dibra: Sa larg pallatit keni pirë kafe?
Dëshmitari: 50-100 metra.

Ai tha gjithashtu se nuk kishte vënë re persona të tjerë afër trupit të të ndjerës.