Trafikoi nga Gjermania në Shqipëri automjetin me vlerë 250 mijë euro për ta shitur, arrestohet 34-vjeçari

Specialistët e Seksionit për Hetimin e Trafiqeve të Paligjshme konstatuan një rast të trafikimit në Shqipëri, konkretisht të një automjeti të vjedhur jashtë shtetit.

Nga veprimet hetimore u identifikua dhe u shpall në kërkim shtetasi me iniciale A. L., 34 vjeç, i cili dyshohet se e ka trafikuar këtë automjet, në Shqipëri, me qëllim shitjen.    

Në vijim të veprimeve për këtë rast, u sekuestrua 1 automjet tip “Mercedes-Benz AMG G63”, me vlerë rreth 250 000 euro, pasi nga verifikimet rezultoi i vjedhur në Gjermani.       

Punohet për kapjen e 34-vjeçarit dhe dokumentimin e plotë të rastit. 

Materialet procedurale iu referuan Prokurorisë së Tiranës, për veprime të mëtejshme.