Do t’i nënshtrohet sot eutanazisë, historia tragjike e 25-vjeçares në Spanjë që mbeti e paralizuar pas përdhunimit në grup

Një vajzw nga Barcelona ka vendosur t’i nënshtrohet eutanazisë për t’i dhënë fund jetës së në moshën vetëm 25 vjeç.

Noelia Castillo Ramos dha intervistën e saj të fundit për ” Y Ahora Sonsoles ” të Antena 3 përpara procedurës së saj, e cila është planifikuar për të enjten (sot), duke shpjeguar pse po zgjedh vetëvrasjen me asistencë mjekësore.

E reja mbeti paraplegjike pas një tentative vetëvrasjeje në vitin 2022, e cila erdhi si pasojë e një përdhunimi në grup që kishte përjetuar po atë vit. Pas ngjarjes, ajo u hodh nga kati i pestë i ndërtesës ku qëndronte, duke pësuar dëmtime të rënda që e lanë të paralizuar.

Noelia vjen nga një familje jofunksionale dhe pjesën më të madhe të fëmijërisë e kaloi në familje kujdestare, pasi prindërit e saj kishin probleme me varësitë.

Në vitin 2022, ndërsa jetonte në një qendër shtetërore për gra vulnerabël, ajo u bë viktimë e përdhunimit në grup. Më 4 tetor të po atij viti, pas përdorimit të kokainës, ajo ndërmori aktin ekstrem që ndryshoi përgjithmonë jetën e saj.

Babai i Noelias ka nisur një betejë të gjatë ligjore për të ndaluar eutanazinë, por, sipas Y Ahora Sonsoles Gjykata Evropiane e të Drejtave të Njeriut e ka pranuar kërkesën e saj.

Spanja e bëri të ligjshme eutanazinë vullnetare ashtu edhe vdekjen e asistuar në mars 2021, duke u lejuar të rriturve me sëmundje serioze dhe të pashërueshme që shkaktojnë vuajtje të padurueshme të zgjedhin t’i japin fund jetës së tyre.