Izraeli evakuon ambasadën e tij në Emiratet e Bashkuara Arabe pas dy përpjekjeve për sulme

Izraeli evakuoi fshehurazi stafin e ambasadës së tij në Emiratet e Bashkuara Arabe pasi parandaloi dy sulme iraniane ndaj ekipit diplomatik, tha një zyrtar izraelit për Times of Israel, duke konfirmuar raportet në mediat hebraike.

Ministria e Jashtme konfirmoi evakuimin dhe deklaroi se "në dritën e kërcënimeve specifike kundër misioneve izraelite në Emiratet e Bashkuara Arabe dhe me kërkesë të autoriteteve të sigurisë, personeli jo-thelbësor është evakuuar nga Emiratet e Bashkuara Arabe".

"Si në Abu Dhabi ashtu edhe në Dubai, ekipet diplomatike mbeten operacionale për të siguruar kryerjen e vazhdueshme dhe të pandërprerë të çështjeve diplomatike dhe konsullore", shtoi ministria.

Diplomatët izraelitë në shënjestër

Zyrtari izraelit që foli për Times of Israel konfirmoi se kërcënimet ishin të lidhura me veprimet iraniane.

Në të njëjtën kohë, një zyrtar i lartë izraelit i tha Channel 12 se dy sulmet ishin pjesë e "një përpjekjeje specifike për të synuar diplomatët izraelitë" dhe se ato ishin "tashmë në zhvillim e sipër"./Lajmi i Fundit