Orion largohet nga orbita e Tokës, NASA rikthehet drejt Hënës pas 50 vitesh

NASA ka shënuar një moment historik duke nisur astronautë drejt Hënës për herë të parë që nga viti 1972, kur u realizua misioni Apollo 17.

Anija Orion, me katër astronautë në bord, ka përfunduar me sukses daljen nga orbita e Tokës dhe tashmë është në trajektore drejt Hënës. Ky është fluturimi i parë me ekuipazh për këtë mjet hapësinor, një hap kyç për eksplorimet e ardhshme.

Ekuipazhi përbëhet nga Reid Wiseman, Victor Glover, Christina Koch dhe Jeremy Hansen, të cilët do të kryejnë një mision rreth 10-ditor që përfshin fluturim pranë Hënës dhe mbledhjen e të dhënave të rëndësishme shkencore.

Ky udhëtim është pjesë e Artemis program, që synon rikthimin e njeriut në sipërfaqen hënore dhe krijimin e bazave për misione të ardhshme drejt Marsit.

Gjatë misionit, astronautët do të realizojnë vëzhgime dhe fotografi të detajuara të Hënës, ndërsa të dhënat e mbledhura do të përdoren për përmirësimin e teknologjive të ardhshme hapësinore.

Pas përfundimit të udhëtimit, kapsula pritet të rikthehet në Tokë, duke u ulur në Oqeanin Paqësor, duke përmbyllur kështu një nga misionet më të rëndësishme të dekadave të fundit në eksplorimin hapësinor.