“Trump ‘i mohohet aksesi në kodet bërthamore të SHBA-së’ / Ndalesa nga kreu i forcave të armatosura

Presidentit të Shteteve të Bashkuara, Donald Trump, i është mohuar aksesimi në kodet bërthamore të vendit të tij nga një oficer i lartë ushtarak amerikan.

Analisti në pension i CIA-s, Larry Johnson, ka zbuluar – në programin e njohur në YouTube “Judging Freedom” – se, gjatë një mbledhjeje urgjente të mbajtur të shtunën, më 18 prill, Trump ka tentuar të aksesojë kodet bërthamore.

Tensioni

“Sipas një raporti që ka dalë nga ai takim në Shtëpinë e Bardhë, Trump dëshironte të përdorte kodet bërthamore, dhe gjenerali Dan Caine (në foto me Trump) u ngrit dhe tha ‘Jo’. Ai invokoi privilegjin e tij si kryetar i forcave të armatosura, për ta thënë kështu. Duket se shpërtheu një grindje e vërtetë. Po ndodhin gjëra shumë të çuditshme në Washington”, shkruan Mirror duke cituar Larry Johnson. Kjo ndodh në një kontekst të rritjes së shqetësimit për sjelljen e paparashikueshme të presidentit.

Paaftësitë

Ende nuk është e qartë se për çfarë do të shërbenin këto kode nëse do të bëheshin publike. Megjithatë, kjo vjen pas lajmeve që sugjerojnë se Trump është përjashtuar nga Salla e Situatës nga këshilltarët ushtarakë gjatë një misioni kyç shpëtimi në Iran. Presidenti do të ishte mbajtur jashtë diskutimeve për shkak të frikës nga temperamentin e tij “eksploziv”.

Funksionarët e lartë të administratës frikësoheshin se paparashikueshmëria e tij mund të dëmtonte operacionin. Pas rrëzimit të një avioni amerikan nga forcat iraniane më herët këtë muaj, Trump do të kishte kaluar orë të tëra duke bërtitur kundër personelit të West Wing, i munduar nga kujtimet e krizës së pengjeve në Iran të vitit 1979.

Konflikti me Iranin

Shtetet e Bashkuara janë në konflikt me Iranin që nga 28 shkurti, datë kur janë nisur sulme ajrore të përbashkëta midis Shteteve të Bashkuara dhe Izraelit ndaj disa objektivave strategjikë iraniane. Irani ka reaguar duke sulmuar lokacione në të gjithë Lindjen e Mesme, duke e katandisur rajonin në kaos dhe duke bllokuar rrugën e rëndësishme të kalimit në ngushticën e Hormuzit. Mohammed Bagher Qalibaf, kryenegociatori dhe presidenti i parlamentit iranian, ka shkruar në një postim në X (ish-Twitter) në orët e para të martës se “ne nuk pranojmë negociata nën hijen e kërcënimeve” dhe se Republika Islamike po përgatitet “të zbulojë letra të reja në fushën e betejës”. Kjo para zhvillimeve të fundit, me negociatat për paqen që kanë arritur në një fazë të avancuar.

Irani, ndonëse nuk njihet formalisht si një fuqi bërthamore, besohet të ketë teknologjinë e pasurimit të uraniumit që mund të mundësojë zhvillimin e armëve bërthamore. Nuk është ende e qartë nëse dhe për çfarë qëllimi do të aktivizoheshin kodet bërthamore të Shteteve të Bashkuara. Megjithatë, thashethemet mbi gjendjen e shëndetit të Trump janë shtuar pas disa shikuesish që kanë vënë re një sinjal të vogël alarmi në posturën e tij. /Messaggero