Vrasja e dy vëllezërve dhe shokut të tyre në Podgoricë, arrestohet autori i krimit, dëshmia tronditëse

25-vjeçari Vehid Muriç akuzohet për vdekjen e vëllezërve Denis (28) dhe Nezrin Hoti (35) nga Rozhaja dhe Kenan Miraljemoviç nga Novi Pazari.

Krimi ndodhi në një apartament me qira në lagjen “Stari Aerodrom” në Podgoricë, ku jetonin së bashku katër të rinj bojaxhinj. Sipas një deklarate zyrtare nga Drejtoria e Policisë, krimi u parapri nga “mosmarrëveshje personale midis personave viktimave dhe të dyshuarit”. Pas krimit, Muriç dyshohet se shkoi në qytetin e tij të lindjes, Rozhaje, ku takoi famljarwt e tij.

“Nënë, duart më janë lyer me gjak, vrava tre persona… Më vjen keq”, tha ai, sipas raportimeve të medias malazeze “Vijesti”.

Sipas deklaratës zyrtare të Drejtorisë së Policisë, Muriç nxori një armë të ftohtë pas një grindjeje me tre viktimat dhe kreu krimin e trefishtë, për të cilin duket se është penduar menjëherë më pas. Pak pas orës 20:00 të mbrëmjes së kaluar, Drejtoria e Policisë njoftoi se Muriç ishte arrestuar në qendër të asaj komune në veri të vendit. Një nga burimet e gazetës tha se katër të rinjtë patën një debat për një borxh.