Dita e 57-të e protestës në Tiranë, marshim me thirrje kundër kryeministrit Edi Rama

Sot mbushen 57 ditë me protesta të qytetarëve kundër qeverisë së Edi Ramës.

Prej afro dy muajsh, ata kërkojnë largimin e kryeministrit, të cilin e akuzojnë për cenimin e zonave të mbrojtura si dhe për klientelizëm me ligjin për investitorët strategjikë.

Edhe këtë të dielë, grumbullimi i qytetarëve po bëhet në sheshin Skënderbej, për t’u zhvendosur më pas tek selia e qeverisë.

Tubimi pritet të mbyllet me marrshimin e përnatshëm në rrugët kryesore të Tiranës.