“Po përballem me ditën më të vështirë të jetës sime”/ Jessie J shpërthen mes betejës me kancerin

Këngëtarja e famshme, Jessie J, ka ndarë me ndjekësit e saj një moment shumë të vështirë të jetës së saj, duke zbuluar se ka pasur ditën më të keqe që nga diagnoza me kancer të gjirit në fazat e hershme, disa muaj më parë.

Në një postim në Instagram, Jessie, e cila është shumë e njohur për hite si “Price Tag”, “Domino” dhe “Bang Bang”, ka folur për sfidat që po përballet për momentin.

Ajo përshkroi një periudhë jashtëzakonisht të ngarkuar, ku po përpiqej të balanconte angazhimet profesionale, përkujdesjen për fëmijën e saj të vogël dhe luftën me kancerin, ndërkohë që përjetonte pasojat e gjithçkaje në jetën e saj të përditshme.