Alarm për arrestet kardiake, vdekjet nga zemra në Shqipëri dy herë më të larta se mesatarja europiane

Jeta sedentare, kequshqyerja dhe mungesa e aktivitetit fizik po ndikojnë ndjeshëm në rritjen e problemeve me zemrën tek popullata shqiptare. Sipas të dhënave të fundit nga Instat dhe Eurostat, Shqipëria renditet ndër vendet me nivel të lartë të vdekshmërisë nga sëmundjet e zemrës.

Sëmundjet e aparatit të qarkullimit të gjakut përbëjnë rreth 52.9% të vdekjeve në vend një përqindje dukshëm më e lartë krahasuar me mesataren e Bashkimit Europian, e cila është rreth 32.8%.

Mjekët kardiologë ngrenë alarmin edhe për rritjen e rasteve te moshat e reja. Nuk mungojnë rastet kur të rinj kanë pësuar infarkt kardiak, madje edhe me pasoja fatale.

Bluzat e bardha apelojnë për më shumë kujdes të shtuar nga e qytetarëve duke ndjekur një regjimi ushqimor të balancuar, kryerje të rregullt të aktivitetit fizik, shmagie të duhanit si dhe kontrolle periodike.