Çfarë fshihet pas vrasjes së Eglant Koçit nga shoku i tij? Zbardhen detaje të reja, autori shihet në rrugët e Tiranës por...

Hetimet dhe kërkimet për vrasësin e dyshuar të Eglant Koçit vijojnë. Armand Shakaj vijon të jetë në arrati, teksa është pikasur në disa momente në rrugët e Tiranës, por ka arritur t’i shpëtojë policisë.

Gazetarja e Top Channel, Anila Hoxha, bën me dije se ditën e sotme Prokuroria e Tiranës ka ndërmarrë hapin e radhës sa i përket hetimeve, duke i kërkuar Gjykatës Penale t’i japë leje për të këqyrur 4 kompjuterë të sekuestruar në zyrën e vrasësit të dyshuar.

Burime pranë grupit të hetimit thanë se një nga pistat është ajo e vrasjes së të riut për shkak të transfertave në kriptovaluta, një aktivitet me të cilin Koçi merrej prej kohësh.

Megjithatë, sipas asaj që është bërë e ditur deri më tani, Koçi ishte një person me të ardhura jo të mëdha dhe jeta që bënte ishte tejet normale.