Khamenei del nga bunkeri, rishfaqet për herë të parë në publik pas luftës me Izraelin

Për herë të parë që prej shpërthimit të luftës 12-ditore mes Iranit dhe Izraelit, Lideri Suprem, Ajatollahu Ali Khamenei është shfaqur në publik.

Televizioni shtetëror e tregoi atë teksa përshëndeste besimtarët në një xhami të shtunën, gjatë një ceremonie të mbajtur një ditë para festes Shiite të Ashura-s, shkruan A2.

Dalja e tij në publik dominoi mediat iraniane, ndërsa u transmetuan edhe pamje të mbështetësve që shprehnin gëzim, për shfaqjen e Khameneit.

Ajatollahu duket teksa i drejtohet klerikut të lartë Mahmoud Karimi, duke e inkurajuar të këndoje një këngë patriotike mbi Iranin e cila u bë shumë popullore gjatë konfliktit me Izraelin.  

Shfaqja e fundit jopublike e Khameneit, ishte një fjalim i regjistruar pas armëpushimit që i dha fund luftës së nisur në 13 qershor, e gjatë së cilës u vranë komandantët më të lartë ushtarake dhe shkëncëtarët bërthamorë.