Ngjarje e rëndë në Gjermani, një person i armatosur vret pronarin dhe klientin e lokalit

Një ngjarje e rëndë ka tronditur qytetin e vogël të Raunheimit në Gjermani ku rreth orës 03:45, një person i armatosur hyri në një lokal të vogël në Frankfurter Strabe dhe qëlloi dy persona, të cilët ndërruan jetë në vendngjarje.

Policia e Hessenit, e mobilizuar në masë, rrethoi zonën dhe devijoi trafikun ndërsa autori i krimit arriti të largohej dhe deri tani nuk është kapur.

Sipas mediave gjermane, viktimat janë Nihat K. (62), pronari i lokalit, dhe një klient i moshës 34 vjeç. Motivi dhe sfondi i krimit janë ende plotësisht të paqarta. Zëdhënësi i policisë deklaroi se hetime të mëtejshme do të duhet të përcaktojnë nëse autori i krimit ka lidhje me lokalit.

Nuk dihet nëse arma e përdorur për vrasjen është gjetur. Trupat e viktimave ishin ende në lokal këtë mëngjes, ndërsa hetuesit mjeko-ligjorë dokumentuan vendin e ngjarjes.

Një mik i pronarit i tha mediave se ai ishte një person vërtet i mirë dhe nuk mund ta shpjegonte se kush ia bëri këtë.

“Ai gjithmonë ndihmonte të tjerët, do t’i kishte dhënë edhe këmishën e tij”, tha ai.