Greqi/ Nënë e bijë gjenden të vdekura në një dhomë “të vulosur”, trupat e tyre të dekompozuar, roli i djalit

Një 91-vjeçare dhe vajza e saj 56-vjeçare u gjetën të vdekura në një dhomë “të vulosur” në lagjen Zografou të Athinës.

Sipas autoriteteve, trupat e tyre ishin në faza të përparuara dekompozimi.

Policia u njoftua nga të afërmit e dy grave, të cilët kishin frikë se mund t’u ishte shkaktuar dëm nga djali 54-vjeçar i familjes. Kur policia vizitoi apartamentin, djali fillimisht nuk lejoi hyrjen e tyre, por më pas u tha atyre se dy gratë jetonin në një shtëpi në një rrugë tjetër..

Pas verifikimeve, policia u kthye në apartamentin fillestar dhe zbuloi një dhomë të mbyllur, ku u gjetën trupat e të ndjerave. Autoritetet kanë nisur hetimet dhe djali i familjes është shoqëruar për të dëshmuar

Hetimet vazhdojnë për të përcaktuar rrethanat e vdekjes së dy grave dhe për të kuptuar rolin e mundshëm të djalit në këtë ngjarje tragjike.