“Trump dhe Netanyahu në listën e 100 personave më me ndikim për vitin 2026, sipas revistës Time.

Donald Trump dhe Benjamin Netanyahu janë dy nga udhëheqësit botërorë të përfshirë në listën vjetore të revistës Time me 100 njerëzit më me ndikim të vitit 2026.

Lista përfshin gjithashtu Sekretarin e Shtetit të SHBA-së, Marco Rubio, Kryetarin e Shtabit të Përbashkët të Ushtrisë, Gjeneralin Dan Kaine, dhe të dërguarin e Shtëpisë së Bardhë, Steve Witkoff.

Udhëheqës të tjerë politikë përfshijnë Presidenten meksikane Claudia Sheinbaum, kryetarin e bashkisë së Nju Jorkut, Zohran Mamdani, dhe guvernatorin e Minesotës, Jacob Frey.

Kjo është hera e pestë që kryeministri izraelit përfshihet në këtë listë.

Sipas artikullit të revistës për Netanyahun, ai ishte “përgjegjës për dështimin më të keq të sigurisë në historinë e vendit të tij”, përkatësisht sulmin e Hamas të 7 tetorit 2023, por që atëherë është rikthyer në skenën politike.

Shënimi për Mamdanin i referohet kritikave të tij të ashpra ndaj Izraelit, duke theksuar se “marrëdhëniet e tij me segmente të mëdha të shoqërisë, përfshirë pjesë të komunitetit hebraik, do të testojnë aftësinë e tij për të përkthyer idetë në veprime.”