“Greqia jashtë katastrofës”, marshim kundër luftës në Selanik pas sulmeve ndaj Iranit (FOTO)

Një demonstratë u mbajt sot në Selanik kundër sulmeve izraelite dhe amerikane ndaj Iranit dhe kundër përfshirjes së Greqisë në luftë.

Një turmë njerëzish, sindikatash, studentësh dhe grupesh u mblodhën te statuja e Venizelosit, duke brohoritur "Greqia jashtë katastrofës".

Protestues u mblodhën  për të kundërshtuar sulmet e Shteteve të Bashkuara të Amerikës dhe Izraelit ndaj Iranit.

Gjatë demonstratës, pjesëmarrësit mbanin pankarta dhe thërrisnin slogane, duke kërkuar tërheqjen e bazave amerikane nga vendi, si edhe ndërprerjen e menjëhershme të sulmeve kundër Iranit.

Tubimi u zhvillua në mënyrë paqësore, ndërsa organizatorët theksuan nevojën për ndalimin e përshkallëzimit të situatës dhe rikthimin në rrugën e dialogut./Lajmi i Fundit