Gjenerali iranian kërcënon: Do të godasim jo vetëm Qipron për të larguar amerikanët

Ndërsa ankthi global për zhvillimet në Lindjen e Mesme rritet, një gjeneral i Gardës Revolucionare Iraniane kërcënon se objektivi i Teheranit është Qiproja, e cila do të goditet për të detyruar amerikanët të largohen.

Megjithatë, kryeministri britanik Keir Starmer ka siguruar se bazat në Qipro nuk po përdoren nga bombarduesit amerikanë.

Në të njëjtën kohë, u njoftua se një ushtar i katërt amerikan u vra në operacionin ushtarak kundër Iranit, ndërsa Sekretari i Mbrojtjes i SHBA-së Pete Hegseth sqaroi se "ne nuk e filluam luftën në Iran, por do ta përfundojmë atë".

Ushtria izraelite ka urdhëruar evakuimin e Bejrutit, ndërsa shpërthime të fuqishme raportohen në Teheran.

Më parë, një sulm iranian goditi objektet e naftës në Arabinë Saudite, ndërsa shpërthime ndodhën edhe në Abu Dhabi, Dubai, Doha dhe Bahrein.

Alarmi është ngritur edhe në Qipro pas sulmeve me dronë ndaj bazave britanike në Akrotiri, ndërsa Greqia po ofron ndihmë me dy fregata dhe një palë F-16. Nikos Demidas do të vizitojë ishullin nesër/Lajmi i Fundit