Heqja e naftës pa taksa, Rama: Kompensojmë me 10% faturat për çdo shitje, skemë që nuk e ka as BE

Kryeministri Edi Rama ka zhvilluar një bashkëbisedim me fermerët në Lushnjë, ku është ndalur sërish te çështja e heqjes së naftës pa taksa për bujqësinë.

Rama tha se jo të gjithë përfituesit e kësaj skeme kanë qenë realisht fermerë që e përdornin naftën për punë bujqësore, duke shtuar se skema e mëparshme kishte problematika në zbatim.

“E neveritshme se si për hir të një luftë të verbër as politike, por tribale fare, angazhohet një lukuni e tërë tenxheresh për të nxjerrë nga konteksti atë që themi dhe për të vazhduar t’i bjerë një fylli në të njëjtën vrimë, jepni naftë. Është e qartë se ajo që kemi bërë ne është shumë herë më shumë se sa jepni naftë dhe ndërkohë që nga paratë e shpenzuara për të dhënë naftë deri dje, jo të gjithë përfituesit ishin ata që e meritonin dhe e përdornin naftën për punë bujqësie, sepse skema e ndarjes për tokën, ishte një skemë që kishte problematikën e vet, sepse në shumë raste ata që punojnë tokën janë qiramarrës. Nuk e ka BE këtë skemë, ne po shkojmë drejt BE, jemi kritikuar, e kemi justifikuar me idenë e një faze të caktuar. S’do japim një mbështetje në bazë të sasive që është një llogari 300 mijë lekë të vjetra, shkon në 7-8 mijë euro me skemën e re, në rast se ai që shet prodhimin e vet paraqet faturën, direkt fermeri. Paraqit faturën që e shite dhe merr 10% të faturës mbrapsht dhe ne ato para nëse do të blesh naftë, bli naftë s atë duash, por nuk është nafta këtu. Ata që flasin janë të verbër dhe të ligë”, tha Rama.