VIDEO /Lirimi i hapësirave publike, Rama: Vijojmë punën

Aksioni për lirimin e hapësirave publike të zaptuara nga subjektet private po vijon në të gjithë vendin.

Kryeministri Edi Rama publikoi sot një tjetër ndërhyrje në terren, duke theksuar se operacioni “vijon”.

“Vijojmë punën për të liruar hapësirat publike”, shkruan Rama në rrjetet sociale.

Nisma është pjesë e programit “Rilindja Urbane 2.0” dhe synon rritjen e cilësisë së shërbimeve, funksionalitetit urban dhe respektimin e standardeve të mikpritjes në çdo qytet të Shqipërisë.

Aksioni, i nisur në korrik të vitit të kaluar, është konceptuar si ndërhyrje e përhershme dhe mbetet prioritet i pushtetit vendor dhe qendror.