Të shtëna me armë zjarri në Durrës, plagoset një 30-vjeçar

Të shtëna me armë zjarri raportohet se ka ndodhur pasditen e sotme në qytetin bregdetar të Durrësit. Bëhet me dije se si pasojë e të shtënave, një 30-vjeçar ka mbetur i plagosur në zonën e Shkafanës.

30-vjeçari ka marrë një plagë në këmbë dhe është dërguar menjëherë në Spitalin Rajonal të Durrësit, ku ndodhet nën kujdesin e mjekëve.

Fatmirësisht, i riu ndodhet jashtë rrezikut për jetën. Pritet njoftimi i policisë për detajet e plota mbi ngjarjen.