Reshje të dendura shiu në Himarë, përmbyten rrugët e qytetit, uji depërton në ambientet e Policisë

Reshjet e shiut me intensitet të lartë që kanë rënë në jug të vendit, veçanërisht në qytetin e Himarës, kanë shkaktuar daljen nga shtrati të përroit që kalon në mes të qytetit.

Si pasojë, janë përmbytur rrugët, ndërsa uji ka depërtuar edhe në ambientet e Komisariatit të Policisë Himarë.

Në katin e parë të këtij institucioni ka hyrë ujë, ndërkohë që efektivët e policisë kanë ndërhyrë menjëherë duke ngritur pajisjet nga toka për t’i shpëtuar nga dëmtimi.

Situata vijon të mbetet problematike, pasi reshjet kanë qenë intensive dhe të pandërprera.