Veliaj në gjykatë: Olsi më është qepur për inceneratorin dhe Teatrin, s’gjeti gjë dhe ...

Kryebashkiaku i Tiranës, Erion Veliaj, ka pretenduar në gjykatë se prokurori Ols Dado e ka ndjekur prej kohësh në disa çështje, përfshirë inceneratorin e Tiranës dhe Teatrin Kombëtar.

“S’e di ti që Olsi më është qepur për inceneratorin, Teatrin?”, mësohet të jetë shprehur Veliaj gjatë seancës.

Sipas tij, pasi nuk u gjetën shkelje në aktivitetin e tij, hetimet u përqendruan te familjarët.

“S’i gjetëm gjë me punën e tij, hajt t’u hyjmë njerëzve të shtëpisë”, citohet të ketë thënë Veliaj, në një referencë ndaj kontrollit të ushtruar ndaj bashkëshortes së tij, Ajola Xoxa, dhe familjarëve të tjerë.