G7: Ngushtica e Hormuzit duhet të rihapet urgjentisht dhe të gjendet një zgjidhje për luftën në Iran

Vendet e G7 kanë theksuar nevojën urgjente për rihapjen e Ngushticës së Hormuzit dhe gjetjen e një zgjidhjeje të qëndrueshme për konfliktin në Iran, në një kohë tensionesh të larta në Lindjen e Mesme.

Kjo deklaratë u bë publike në komunikatën përfundimtare të takimit të Ministrave të Financave të G7, i zhvilluar në Paris.

Në dokument theksohet se pasiguria ekonomike globale po rrit rreziqet për rritjen dhe inflacionin, veçanërisht për shkak të ndikimeve në zinxhirët e furnizimit me energji, ushqime dhe plehra kimike, duke prekur më së shumti vendet më të cenueshme.

Sipas G7, një kthim i shpejtë i lëvizjes së lirë dhe të sigurt përmes Ngushticës së Hormuzit konsiderohet thelbësor për stabilitetin ekonomik global, së bashku me zgjidhjen e konfliktit në rajon.