Rekord historik në aeroportin e Kansait: Asnjë valixhe e humbur për 32 vite në Japoni

Aeroporti Ndërkombëtar i Kansait, në Japoni ka vendosur një rekord të rrallë në industrinë e aviacionit – për më shumë se 30 vite funksionimi, nuk ka humbur asnjë bagazh të vetëm, edhe pse transporton rreth 10 milionë valixhe çdo vit, sipas “Forbes”.

I hapur në vitin 1994, aeroporti ka ndërtuar një sistem të menaxhimit të bagazheve që fokusohet te kontrolli rigoroz i çdo hapi të procesit.

Punonjësit numërojnë bagazhet disa herë për çdo fluturim dhe, nëse konstatohet mospërputhje, ndalojnë menjëherë procesin për të verifikuar zonat e ngarkimit dhe hapësirat e avionit.

Ky mekanizëm i vazhdueshëm kontrolli ka bërë të mundur që gabimet të identifikohen dhe të korrigjohen përpara se të ndikojnë tek pasagjerët.

Sipas ekspertëve, suksesi i aeroportit nuk qëndron në reagimin ndaj problemeve, por në ndërtimin e një sistemi që i parandalon ato që në fillim.

Në një industri ku humbja e bagazheve është një nga shqetësimet më të zakonshme për udhëtarët, rasti i Kansait konsiderohet një shembull global i efikasitetit dhe besueshmërisë në menaxhimin e operacioneve aeroportuale./ORA