Sonte nata e madhe e çmimeve Oscar 2026, këto janë filmat dhe aktorët që pritet të triumfojnë në Hollywood

Në Hollywood nuk ka natë më të madhe se ajo e Oscarëve. Ceremonia e vitit 2026 zhvillohet sot, më 15 mars, në Dolby Theatre në Los Anxhelos, ku do të ndahen çmimet më prestigjioze të kinemasë për arritjet e vitit të fundit.

Në këtë edicion janë disa filma që dominojnë nominimet, mes tyre “Hamnet”, “One Battle After Another”, “Marty Supreme”, “Frankenstein” dhe “Sinners”. Aktorë si Leonardo DiCaprio, Teyana Taylor, Paul Mescal, Jessie Buckley dhe Wunmi Mosaku janë gjithashtu mes kandidatëve për çmime individuale.

Një nga garat më të forta të mbrëmjes pritet të jetë ajo për aktorin më të mirë në rol protagonist. Timothée Chalamet ishte favorit në fillim të sezonit të çmimeve për rolin në “Marty Supreme”, pasi fitoi Golden Globe dhe Critics Choice Awards. Megjithatë, Michael B. Jordan nga filmi “Sinners” mbetet një rival i fortë pas fitores së tij të fundit në Actor Awards.

Ceremonia e këtij viti do të drejtohet sërish nga komediani Conan O’Brien, i cili rikthehet si prezantues për të dytin vit radhazi. Ai ka bërë shaka edhe me momentet e papritura që mund të ndodhin gjatë mbrëmjes, duke kujtuar incidentin e famshëm të vitit 2022 kur Will Smith goditi me shuplakë komedianin Chris Rock në skenë.

Ceremonia e Oscarëve transmetohet më 15 mars në orën 19:00 sipas orë s lindore në SHBA.

Filmi më i mirë
Bugonia
F1
Frankenstein
Hamnet
Marty Supreme
One Battle After Another
The Secret Agent
Sentimental Value
Sinners
Train Dreams

Aktorja më e mirë në rol protagonist
Jessie Buckley – Hamnet
Rose Byrne – If I Had Legs I'd Kick You
Kate Hudson – Song Sung Blue
Renate Reinsve – Sentimental Value
Emma Stone – Bugonia

Aktori më i mirë në rol protagonist
Timothée Chalamet – Marty Supreme
Leonardo DiCaprio – One Battle After Another
Ethan Hawke – Blue Moon
Michael B. Jordan – Sinners
Wagner Moura – The Secret Agent

Aktorja më e mirë në rol dytësor
Elle Fanning – Sentimental Value
Inga Ibsdotter Lilleaas – Sentimental Value
Amy Madigan – Weapons
Wunmi Mosaku – Sinners
Teyana Taylor – One Battle After Another

Aktori më i mirë në rol dytësor
Benicio Del Toro – One Battle After Another
Jacob Elordi – Frankenstein
Delroy Lindo – Sinners
Sean Penn – One Battle After Another
Stellan Skarsgård – Sentimental Value

Regjisori më i mirë
Chloé Zhao – Hamnet
Josh Safdie – Marty Supreme
Paul Thomas Anderson – One Battle After Another
Joachim Trier – Sentimental Value
Ryan Coogler – Sinners/Shqiptarja