Aksident në aksin Tepelenë-Krahës, përplasen dy makina, 8 të plagosur

Një aksident rrugor është regjistruar pasditen e së mërkurës në aksin Tepelenë-Krahës, pranë fshatit Iliras, ku dy automjete janë përplasur me njëri-tjetrin teksa qarkullonin në drejtime të kundërta.

Si pasojë e përplasjes, kanë mbetur të lënduar 8 persona, të cilët janë transportuar me urgjencë në spitalin e Gjirokastrës.

Sipas mjekëve, të plagosurit ndodhen jashtë rrezikut për jetën.

Në vendngjarje ka mbërritur policia rrugore, e cila po kryen hetimet për të përcaktuar shkaqet e aksidentit.